Oton, Iloilo: Maestro, gintiro sang taxi driver!

Gintiro ang maestro sang Oton National High School kaina sang kaagahon.

Pilas sa le-og kag magkatuhay nga parte sang lawas ang naagum ni Marcos Valencia, 48-anyos sang Barangay Trapiche, Oton. Nadakpan sa hot pursuit operation sang kapulisan ang suspek nga si Bryan Kieth Legada, 22-anyos sang Q. Abeto, Mandurriao kag driver sang GDR taxi. Estable na ang kondisyon sang maestro sa ospital.

Suno kay Sr/Insp. Jigger Gimeno, hepe sang Oton Police Station, gin-alegar sang suspek nga nagpadul-ong si Valencia sa Barangay Salngan sa amo man nga banwa. Baliskad ini sa pahayag sang biktima nga si Legada ang naghagad sa iya nga makadto sa Salngan.

Lima ka empty shells sang 38-caliber revolver ang na-recover sang kapulisan sa crime scene.